ABŞ prezidenti Donald Tramp Mərkəzi Kəşfiyyat İdarəsinin direktoru Con Retkliffi danışıqlar üçün Moskvaya şəxsən göndərib. 

Gundemxeber.org xəbər verir ki, bu barədə məlumatlı mənbələr "The Wall Street Journal" (WSJ) qəzetinə bildiriblər.

Məlumata görə, Ağ Ev lideri etibarlı köməkçilərinə və hərbi komandirlərə əvvəlcədən məlumat verməyib, onlar isə Retkliffin Rusiyaya göndərdiyi mesajdan xəbərsiz qalıblar.

Mərkəzi Kəşfiyyat İdarəsinin direktoru Moskvada Federal Təhlükəsizlik Xidmətinin (FSB) rəhbəri Aleksandr Bortnikovla görüşüb. O, Ukrayna cəbhəsindəki vəziyyəti tutqun qiymətləndirib və Rusiyanın hərbi və iqtisadi vəziyyəti pisləşməzdən əvvəl müharibəyə son qoymaq üçün razılığa gəlməyə çağırıb. DTX rəhbəri ilə görüşdən əvvəl Ratkliff Ukrayna tərəfi ilə danışıqlar aparıb və onlara güzəştə getmək əvəzinə, Moskvanın mövqeyini öyrənəcəyinə söz verib.

Qeyd edək ki, Mərkəzi Kəşfiyyat İdarəsinin direktoru avqustun 25-də Rusiyaya gözlənilməz səfər edib. Kreml əvvəlcə ABŞ Hərbi Hava Qüvvələrinə məxsus təyyarənin Vnukovoya enişi barədə heç nə bilmədiyini bildirsə də, sonradan Ratkliffin xüsusi xidmət orqanları arasında əlaqələr üçün gəldiyini təsdiqləyib. 

Gundemxeber.org