Kürdlərin rəhbərlik etdiyi Suriya Demokratik Qüvvələri (SDQ) ləğv edilib. 

Gundemxeber.org xarici mətbuata istinadən xəbər verir ki, bu barədə qrupun lideri Məzlum Əbdi bildirib.

"Bu gün Suriya Demokratik Qüvvələrinin missiyasının başa çatdığını elan edirik və tam məsuliyyətlə onun müstəqil hərbi qüvvə kimi ləğvini və dövlət qurumlarına tam inteqrasiyasını elan edirik", - deyə SDQ komandanı bildirib.

Suriya TV-nin məlumatına görə, Dəməşqə gələn Əbdi, Suriya prezidenti Əhməd əl-Şaraa da daxil olmaqla, Suriya rəsmiləri ilə hərbi, təhlükəsizlik və həll olunmamış inzibati məsələlərlə bağlı danışıqlar aparıb.

Razılaşma Suriya prezidenti Əhməd əl-Şaraanın rəhbərlik etdiyi hökumət qüvvələrinin yanvar ayında hücuma başlayaraq SDQ-nin nəzarəti altındakı ərazilərin böyük hissəsini ələ keçirməsindən qısa müddət sonra bağlanıb.

Gundemxeber.org