Cəlilabad rayonunda yol-nəqliyyat hadisəsi baş verib.

Gundemxeber.org xəbər verir ki, hadisə rayonun Soltankənd–Zəhmətabad avtomobil yolunda qeydə alınıb. İlkin məlumata görə, avtomobil sürücünün idarəetməni itirməsi nəticəsində təxminən 50 metrlik hündürlükdən aşıb.

Qəza zamanı avtomobildə olan 4 nəfər müxtəlif dərəcəli bədən xəsarətləri alıb.

Yaralılar hadisə yerinə cəlb olunan təcili tibbi yardım briqadaları tərəfindən xəstəxanaya çatdırılıblar.

Faktla bağlı araşdırma aparılır.

Gundemxeber.org