ABŞ-nin Mayami hava limanında təyyarə qəzası baş verib.

Gundemxeber.org xəbər verir ki, "Amazon" şirkətinə məxsus "Boeing 767" yük təyyarəsi yerli hava limanının yaxınlığında qəzaya uğrayıb.

Təyyarə eniş etdikdən sonra uçuş-enmə zolağından çıxıb və alovlanıb. Artıq şəhərin müxtəlif yerlərindən qatı qara tüstü görünür. Federal Aviasiya Administrasiyası müvəqqəti olaraq uçuşlara qadağa elan edib.

Təyyarənin Puerto Rikodan uçduğu bildirilir. Qəzanın səbəbi və qurbanların sayı hələlik məlum deyil.