Hörmüzqan əyalətinin Sirik şəhərinin Kəhustək bölgəsində toy mərasiminə zərbə endirilməsi nəticəsində ölən və yaralananların sayı artıb.

Gundemxeber.org IRNA-ya istinadən xəbər verir ki, hadisə nəticəsində yaralananların sayı 68 nəfərə çatıb. Bu barədə Hörmüzqan əyalətinin başçısının müavini Əhməd Nəfisi məlumat verib.

 Son məlumatlara görə, zərbə nəticəsində azı 5 nəfər ölüb. Ölənlər arasında uşağın da olduğu bildirilir.

 Tehran hadisənin ABŞ-nin İranın cənubuna endirdiyi zərbələr zamanı baş verdiyini açıqlayıb. Bildirilir ki, yaşayış evinə düşən mərmi nəticəsində həmin ərazidə keçirilən toy mərasiminin iştirakçıları arasında ölən və yaralananlar olub.

Gundemxeber.org