Azərbaycan Premyer Liqasının II turunun oyun cədvəli məlum olub.

Gundemxeber.org Peşəkar Futbol Liqasının (PFL) rəsmi saytına istinadən xəbər verir ki, turun “Sabah” - “Sumqayıt” və “Qarabağ” - “Kəpəz” matçları təxirə salınıb.

Müvafiq olaraq, UEFA Çempionlar Liqasında və Konfrans Liqasında çıxış edən “Sabah” və “Qarabağ”ın rəsmi müraciətlərini, onların tur üzrə rəqiblərinin rəsmi razılıq məktublarını nəzərə alan PFL ölkənin beynəlxalq arenada idman nüfuzunun uğurla təmsil olunmasını rəhbər tutaraq bu qəqrarı qəbul edib.

22 avqust (şənbə)

“Qəbələ” – “Şəfa”

Qəbələ şəhər stadionu, 18:30

“Zirə” – “İmişli”

Zirə İdman Kompleksinin stadionu, 20:45

23 avqust (bazar)

“Turan Tovuz” – “Şamaxı”

Tovuz şəhər stadionu, 18:30

“Neftçi” – “Araz-Naxçıvan”

“Palms Sports Arena”, 20:45

Gundemxeber.org

Futbol üzrə Azərbaycan Premyer Liqasında ilk turun daha bir oyunu keçirilib.

Gundemxeber.org xəbər verir ki, "Neftçi" "SOCAR Polymer Arena"da "Sumqayıt"ın qonağı olub. Görüş "ağ-qaralar"ın 3:1 hesablı qələbəsi ilə başa çatıb.

"Neftçi"nin heyətində qolları Breno Almeyda (2) və Lyubomir Tupta vurublar. Ev sahibi komandadan isə Nadir Orucov fərqlənib.

74-cü dəqiqədə "Sumqayıt"ın kapitanı Səbuhi Abdullazadə qırmızı vərəqə ilə meydandan qovulub.

Qeyd edək ki, turun əvvəlki oyunlarında "Turan Tovuz" "Qəbələ"ni, 1:0, "Sabah" "Kəpəz"i 2:0 hesabı ilə məğlub edib, "Araz-Naxçıvan" - "İmişli" matçında isə qalib müəyyənləşməyib - 0:0. Tura avqustun 17-də keçiriləcək "Qarabağ" - "Şamaxı" matçı ilə yekun vurulacaq.

 Gundemxeber.org

Slovakiyanın paytaxtı Bratislavada güləş üzrə U20 dünya çempionatına start verilib.

Gundemxeber.org xəbər verir ki, ilk yarış günündə yunan-Roma güləşi üzrə 63, 77, 87 və 130 kq-da finalçılar müəyyənləşib.

Tural Əhmədov (63 kq) yunanıstanlı Marios Kapantaisu 6:1 hesablı qələbəylə mübarizədən kənarlaşdırsa da, 1/4 finalda özbəkistanlı Kuvonçbek İsmayılova minimal fərqlə (2:3) məğlub olub. Rəqib finala yüksəldiyi üçün Tural sabah təsəlliverici görüşə çıxacaq.

Cavidan Nehmətov (77 kq) mundiala inamlı start verib. Həmyerlimiz yunanıstanlı Adamantios Papadatosla (8:0) qırğızıstanlı Elxan Çoenbekova (9:0) tam üstünlüklə qalib gələrək 1/4 finala yüksəldi. Qazaxıstanlı Yerkebulan Anapiyanı 7:5 hesabıyla üstələyən Nehmətov adını yarımfinala yazdırıb. Cavidan yarımfinalda iranlı Amir Mehdi Navaya heç bir şans tanımayıb – 7:1. Millinin üzvü sabah finalda ermənistanlı Samvel Terteryanla güləşəcək.

Qeyd edək ki, Orxan Hacıyev (87 kq) təsnifat mərhələsində hindistanlı Axil Axilə “tuş”la, Mikayıl İsmayılov (130 kq) isə debütdə finlandiyalı Tomas Rusiyə ilk xal prinsipinə əsasən (1:1) uduzub.

Gundemxeber.org

Türkiyə Super Liqasında I tur davam edir.

Bu gün "Trabzonspor" meydana çıxıb.

Komanda "Kasımpaşa"nın qonağı olub. Matçda hesabı "bordo-mavililər" açıblar. Noa Saviolo fərqlənib.

İkinci hissədə "Trabzonspor"un ulduz futbolçusu Muhammed Salah meydana çıxıb. Lakin "Kasımpaşa" 1 xal qazanmağı bacarıb. Adrian Benedcek komandasını sevindirib - 1:1.

Qeyd edək ki, tura avqustun 17-də yekun vurulacaq.

Gundemxebr.org

Bakıda 19 yaşadək gənc və yeniyetmə badmintonçular arasında “Azerbaijan Junior Open 2026” beynəlxalq turnirinə start verilib.

Badminton Federasiyasından   verilən məlumata görə, yarışda Azərbaycan da daxil olmaqla, 9 ölkədən 64 idmançı 5 kateqoriya üzrə mükafatlar uğrunda mübarizə aparır.

Azərbaycan turnirdə 22 badmintonçu ilə təmsil olunur. Yarışın digər iştirakçıları Türkiyə, Özbəkistan, Gürcüstan, İran, Birləşmiş Ərəb Əmirlikləri, ABŞ, Hindistan və Tacikistan təmsilçiləridir.

Turnir çərçivəsində badmintonçular oğlan və qızların şəxsi, qoşa, eləcə də qarışıq qoşa kateqoriyalarında qüvvələrini sınayırlar.

“Azerbaijan Junior Open 2026” ölkəmizdə ilk dəfə “Junior International Series” kateqoriyasında təşkil olunan yarışdır.

Yarışa avqustun 16-da keçiriləcək final qarşılaşmaları ilə yekun vurulacaq.

Gundemxeber.org

Avqustun 12–16-də Almaniyanın Frankfurt şəhərində bədii gimnastika üzrə 42-ci Dünya çempionatı keçirilir.

Azərbaycan Gimnastika Federasiyasından (AGF)  bildirilib ki, Dünya Gimnastika Federasiyasının (World Gymnastics) təqvimində yer alan mötəbər yarışda müxtəlif ölkələrdən 300-dək gimnast iştirak edir. Çempionat Frankfurtun məşhur Festhalle arenasında təşkil olunur.

Qeyd edək ki, ölkəmizi çempionatda fərdi proqramda Fidan Qurbanlı təmsil edib. Təmsilçimiz halqa, top, gürzlər və lentlə çıxış edərək çoxnövçülük üzrə ümumilikdə 75.350 xal toplayıb və yarışın yekun sıralamasında 43-cü pillədə qərarlaşıb.

Gundemxeber.org

İspaniya milli komandasının futbolçusu Ferran Torres "Barselona"dan Fransanın PSJ klubuna transfer olub.

Gundemxeber.org xəbər verir ki, bu barədə tanınmış insayder Fabritsio Romano məlumat yayıb.

Onun sözlərinə görə, Paris təmsilçisi bu keçid üçün Kataloniya klubuna 50 milyon avro məbləğində təzminat ödəyəcək.

Qeyd edək ki, Ferran Torres bu yay İspaniya millisinin heyətində dünya çempionu olub. Final matçında məhz onun vurduğu qol komandasına Argentina üzərində qələbə qazandırıb.

Gundemxeber.org

İspaniya Superkubokunun oyunları 2027-ci ildə Türkiyənin İstanbul şəhərində keçiriləcək.

Gundemxeber.org xəbər verir ki, bu barədə İspaniya Futbol Federasiyası məlumat yayıb.

Turnir fevralın 2-dən 7-dək Atatürk Olimpiya Stadionunda təşkil olunacaq. Mövcud formata əsasən, turnirdə “Real Madrid”, “Barselona”, “Real Sosyedad” və “Atletiko Madrid” iştirak edəcəklər.

Yarımfinal mərhələsində rəqiblərinə qalib gələn iki komanda finalda qarşılaşacaq.

Gundemxeber.org

Azərbaycan Yüksək Liqasında çıxış edən “Ordu” voleybol komandası növbəti transferini reallaşdırıb.

Klubun mətbuat xidmətindən verilən məlumata görə, Bakı təmsilçisi Polşa voleybolunun əfsanəsi Mixal Kubyakı transfer edib.

Qeyd edək ki, Kubyak uzun illər Polşa millisinin kapitanı olub. O, 2014 və 2018-ci illərdə yığmanın heyətində dünya çempionluğunu qazanıb.

Gundemxeber.org

Unay Emerinin rəhbərlik etdiyi İngiltərənin “Aston Villa” klubu UEFA Superkuboku uğrunda keçirilən oyunda Fransanın PSJ komandasına 1:1 hesabı ilə məğlub olub.

Gundemxeber.org xəbər verir ki, bununla da ispaniyalı mütəxəssis məşqçilik karyerasında iştirak etdiyi 4-cü Superkubok matçında da uduzub. Emerinin rəhbərlik etdiyi kollektivlər bu dörd oyunun hər birinə UEFA Avropa Liqasının qalibi kimi vəsiqə qazanıb.

Təcrübəli çalışdırıcı daha əvvəl 2014 və 2015-ci illərdə “Sevilya”nın baş məşqçisi kimi, müvafiq olaraq, “Real Madrid” (0:2) və “Barselona”ya (4:5), 2021-ci ildə isə “Vilyarreal”ın sükanı arxasında “Çelsi”yə (1:1, penaltilər seriyasında 5:6) məğlub olub.

Qeyd edək ki, Unay Emeri UEFA Superkubokunu qazana bilməyən və bu turnirdə dörd finalın hamısını uduzan baş məşqçi kimi tarixə düşüb. Bu, Superkubok uğrunda oyunlarda antirekordudur.

Gundemxeber.org