İmişli rayonunda ustanın xəsarət alması ilə nəticələnən hadisə baş verib.

Hadisə saat 17:00 radələrində İmişli rayonu Məzrəli kəndində qeydə alınıb.

Qoşqulu yük maşınında şin təmiri zamanı partlayış baş verib və usta xəsarət alıb.

Xəsarət alan şəxs İmişli Rayon Mərkəzi Xəstəxanasına yerləşdirilib.

Gundemxeber.org

Avqustun 14-də ölkə ərazisində qeydə alınan 65, əvvəlki dövrlərdən bağlı qalan 8 cinayətin açılması polis əməkdaşları tərəfindən təmin edilib.

Bu barədə  Daxili İşlər Nazirliyinin mətbuat xidmətindən məlumat verilib.

Bildirilib ki, axtarışda olduğuna görə ümumilikdə 94, o cümlədən borclu şəxs qismində axtarışda olan 71, ailə üzvlərini məlumatlandırmadan yaşadığı ünvanı tərk etdiyinə görə itkin düşmüş kimi axtarışı aparılan 19 və dələduzluğa görə axtarışda olan 8 nəfər saxlanılaraq aidiyyəti üzrə təhvil verilib.

Həmçinin narkotiklərlə əlaqəli 37 fakt müəyyən edilib. Polis əməkdaşlarının keçirdikləri əməliyyat tədbirləri ilə ümumi çəkisi 32,1 kiloqramdan artıq narkotik vasitə və 3763 metadon həbi aşkar olunaraq götürülüb.

Eyni zamanda, qanunsuz saxlanılan silah-sursatın götürülməsi və aşkarlanması ilə bağlı 8 fakt müəyyən edilib. Paytaxtda və respublikanın ayrı-ayrı rayonlarında 1 avtomat silahı, 6 tüfəng, 2 patron darağı və 56 müxtəlif çaplı patron aşkarlanaraq götürülüb.

Cinayət törətməkdə şübhəli bilinən 66 nəfər də saxlanılıb.

Gundemxeber.org

Avqustun 13-də saat 20 radələrində 1982-ci il təvəllüdlü Şölət Rüstəmlinin Biləsuvar rayonunun Dərvişli kəndi ərazisində kəsici alətlə qətlə yetirilməsi barədə polisə məlumat daxil olub.

Gundemxeber.org xəbər verir ki, münaqişə zəminində baş verən həmin cinayət əməlini törətməkdə şübhəli bilinən 16 yaşlı S.Ş polis əməkdaşları tərəfindən keçirilən tədbirlərlə saxlanılaraq istintaqa təhvil verilib.

Araşdırma aparılır.

Gundemxeber.org

Avqustun 12-də saat 22 radələrində Masazır qəsəbəsindəki Yeni Bakı Yaşayış Massivində 1993-cü il təvəllüdlü Sahil Nuriyevin qətlində şübhəli bilinən şəxs saxlanılıb.

Gundemxeber.org xəbər verir ki, cinayət əməlini törətməkdə şübhəli bilinən 2008-ci il təvəllüdlü Hüseyn Vəliyevdir.

İddialara görə, qətlə yetirilən 33 yaşlı Sahil Nuriyevin qardaşı tatu ustasıdır. O, bir nəfərə tatu vurub. Lakin xidmətin ödənişi ilə bağlı tərəflər arasında mübahisə yaranıb. Marqarita pizza

Sonradan mübahisəyə qoşulan Sahil Nuriyev kürəyindən bıçaqlanıb və ağır vəziyyətdə Abşeron Rayon Mərkəzi Xəstəxanasına çatdırılıb. Lakin onun həyatını xilas etmək mümkün olmayıb.

Gundemxeber.org

Paytaxtın Yasamal rayonunda zərərçəkənlərə məxsus 2 velosiped, 3 ədəd mobil telefon və noutbukun oğurlanması ilə bağlı polisə müraciətlər daxil olub.

 Bu barədə Daxili İşlər Nazirliyindən (DİN) məlumat verilib.

 Bildirilib ki, polis əməkdaşlarının həyata keçirdikləri tədbirlərlə əməlləri törətməkdə şübhəli bilinən, əvvəllər məkhum olunmuş 32 yaşlı N.Ağamuradov müəyyən olunaraq saxlanılıb. Onun oğurladığı əşyaları satdığı müəyyən edilib.

 Bundan başqa Yasamal rayonunda 2 mağazadan ümumilikdə 3700 manat nağd vəsaiti oğurlamaqda şübhəli bilinən Ü.Şərifov və T.Salmanov da müəyyən edilərək saxlanılıblar.

 Faktlar üzrə araşdırmalar davam etdirilir.

Gundemxeber.org

Abşeron rayonunda futbol azarkeşləri arasında baş vermiş insidentlə bağlı cinayət işi başlanılıb.

Gundemxeber.org-nın əldə etdiyi xəbərə görə, avqustun 11-də Masazır qəsəbəsində yerləşən “Bank Respublika Arena” stadionunun qarşısında futbol klublarının azarkeşləri arasında baş vermiş insidentlə bağlı Abşeron Rayon Polis İdarəsində Cinayət Məcəlləsinin müvafiq maddələri ilə cinayət işi başlanılıb.

Hadisə iştirakçıları tutularaq istintaqa cəlb olunub.

Araşdırmalar davam etdirilir.

Qeyd edək ki, insident avqustun 11-də Azərbaycanın “Sabah” və Danimarkanın “Orhus” komandaları arasında keçirilən UEFA Çempionlar Liqasının üçüncü təsnifat mərhələsinin cavab oyununda baş verib.

Gundemxeber.org

Ağcabədidə tanışını və onun qohumunu qətlə yetirməkdə təqsirləndirilən Əliniyaz Əliyevin cinayət işi üzrə məhkəmə prosesi başlayır.

Gundemxeber.org xəbər verir ki, iş Lənkəran Ağır Cinayətlər Məhkəməsində hakim Vüqar Qasımovun icraatına verilib.

Məhkəmə yaxın günlərdə başlayacaq.

Qeyd edək ki, hadisə bu ilin aprel ayında Ağcabədi rayonunun Yuxarı Qiyaməddinli kəndində baş verib. Kənddə toyla bağlı keçirilən “ciyər axşamı”nda qumar masası ətrafında Əliniyaz Əliyevlə Şaiq Mamedov arasında mübahisə yaranıb. Bir gün sonra Əliniyaz Əliyev Şaiqi Mamedovu görüşə çağırıb. Şaiq Mamedov və qohumu Həsən Mamedovla Əliniyaz Əliyev arasında yenidən mübahisə düşüb. Şaiq və Həsən Əlniyaza müxtəlif bədən xəsarətləri yetirib. Bu zaman Əliniyaz Əliyev Şaiq və Həsən Mamedovu bıçaqlayaraq qətlə yetirib.

Ona Cinayət Məcəlləsinin 120.2.7-ci (iki və ya daha çox şəxsi öldürmə) maddəsi ilə ittiham irəli sürülüb.

Gundemxeber.org

Avqustun 11-də ölkə ərazisində qeydə alınan 51, əvvəlki dövrlərdən bağlı qalan 15 cinayətin açılması polis əməkdaşları tərəfindən təmin olunub.

Daxili İşlər Nazirliyinin (DİN) mətbuat xidmətindən Gundemxeber.org-a bildirilib ki, axtarışda olduğuna görə ümumilikdə 122, o cümlədən borclu şəxs qismində axtarışda olan 93, ailə üzvlərini məlumatlandırmadan yaşadığı ünvanı tərk etdiyinə görə itkin düşmüş kimi axtarışı aparılan 8 və dələduzluğa görə axtarışda olan 6 nəfər saxlanılaraq aidiyyəti üzrə təhvil verilib.

Həmçinin narkotiklərlə əlaqəli 21 fakt müəyyən edilib. Ümumi çəkisi 29,1 kiloqramdan artıq narkotik vasitə və 5995 metadon həbi aşkar olunaraq götürülüb.

Eyni zamanda, qanunsuz saxlanılan silah-sursatın götürülməsi və aşkarlanması ilə bağlı 5 fakt müəyyən edilib. Polis əməkdaşları paytaxt və respublikanın ayrı-ayrı rayonlarında 1 avtomat silahı, 5 tüfəng və 5 patron aşkar edərək götürüblər.

Cinayət törətməkdə şübhəli bilinən 63 nəfər də saxlanılıb.

Gundemxeber.org

Yevlax- Zaqatala -Gürcüstan sərhəd magistral yolunun Zaqatalanın Əliabad qəsəbəsindən keçən hissəsində ağır yol -nəqliyyat hadisəsi baş verib, xəsarət alanlar var.

Gundemxeber.org xəbər verir ki, Bakı şəhəri istiqamətində hərəkətdə olan Türkiyə dövlətinə məxsus iri tonnajlı TIR yük maşını ilə Zaqatala rayon sakininin idarə etdiyi “Chevrolet Niva” markalı avtomobil toqquşub. Qəzadan sonra “Chevrolet Niva” markalı avtomobildə olan iki nəfər- rayonun Yengiyan kənd sakini 32 yaşlı Məhəmməd Mahmudov və Höytala kənd sakini 58 yaşlı Şamil Dadayev müxtəlif dərəcəli bədən xəsarətləri alıblar. Hər iki yaralı Təcili tibbi yardım briqadasının köməyi ilə Zaqatala Rayon Mərkəzi Xəstəxanasının cərrahiyyə korpusunun ikinci təcili tibbi yardım şöbəsinə yerləşdirliblər. Hər iki şəxsin müalicə xəstəxanada davam etdirilir.

Faktla bağlı araşdırma aparılır.

Gundemxeber.org

Bu gün Bakının Səbail və Xəzər rayonlarının bir hissəsinin qazla təchizatında fasilə yaranacaq.

Gundemxeber.org xəbər verir ki, bu barədə "Azəriqaz" İstehsalat Birliyi məlumat yayıb.

Məlumata görə, Səbail rayonunda və "Qaz İxrac" İdarəsi tərəfindən Xəzər rayonunda aparılacaq təmir işləri ilə əlaqədar saat 09:00-dan işlər başa çatanadək Səbail rayonunun M. Hüseyn, Nizami, Mərdanov qardaşları, Azadlıq, B. Sərdarov və M. Rostropoviç küçələrinin, Xəzər rayonunun Binə və Qala qəsəbələrinin qaz təchizatında qısamüddətli fasilə yaranacaq.

Gundemxeber.org