Bakıda gecə saatlarında özünü Binə körpüsündən atmağa cəhd edən şəxs inzibati qaydada məsuliyyətə cəlb olunub.

Gundemxeber.org Xitab24.az-a istinadən xəbər verir ki, T.İsmayılov şəxs ona şəxsiyyət vəsiqəsi verilməməsinə etiraz olaraq körpüyə çıxıb, ülgücü öz boğazına dayayıb.

Bu zaman polis əməkdaşları ondan körpüdən düşməyi tələb etsə də, o, bu çağırışa məhəl qoymayıb.

Körpüyə çıxmaqla ictimai qaydanı pozan və polisə tabesizlik göstərən T.İsmayılov barəsində İnzibati Xətalar Məcəlləsinin 535.1-ci maddəsi ilə protokol tərtib edilərək baxılması üçün məhkəməyə göndərilib.

Xəzər Rayon Məhkəməsinin qərarı ilə T.İsmayılov 8 gün müddətinə inzibati qaydada həbs edilib.