MƏTBUAT QAYĞISI, YOXSA AĞIZSUSPAYI? – İSMÂYILLIDA JURNALİSTLƏRƏ OLUNAN "JEST"İN PƏRDƏARXASI!

GundemXeber — Sat, 01 Aug 2026 11:55:55 +0400

İsmayıllı Rayon İcra Hakimiyyətinin bayram günlərində "qələm əhlinə" nümayiş etdirdiyi "isti münasibət" və yerli istirahət mərkəzlərində təşkil etdiyi 1 gecə, 2 günlük "pulsuz" istirahət paketləri ilk baxışdan mətbuata diqqət kimi görünə bilər.
Lakin bu "xeyirxahlıq" pərdəsini azca qaldırdıqda, ortaya mahiyyətcə medianın müstəqilliyini hədəf alan, açıq-aşkar bir idarəetmə hiyləsi çıxır.
Bu, sadəcə bir bayram töhfəsi deyil – məmurların tənqiddən sığortalanmaq üçün tətbiq etdiyi ucuz və təhlükəli bir "ağızsuspayı" mexanizmidir.
İcra hakimiyyətinin yaratdığı bu "şans"dan yararlanan qələm sahiblərindən yazılmamış, amma çox sərt bir qaydaya əməl etmək tələb olunur: susmaq və tərifləmək.
İstirahət mərkəzlərində pulsuz yemək və gecələmə qarşılığında jurnalistlərə faktiki olaraq "sadiqlik aktı" imzalatdırılır:
Rayondakı bərbad yollar, su təminatındakı problemlər, bələdiyyə özbaşınalıqları və sakinlərin bitmək bilməyən şikayətləri gözə alınmamalıdır.
Qarşılığında isə rayon rəhbərliyinin "fəaliyyətini" və təbiət gözəlliklərini tərənnüm edən pafoslu, saxta reportajlar tirajlanmalıdır.
Bir sözlə, regionun real sosial problemlərini işıqlandırmalı olan jurnalist, bir neçə günlük komfort qarşılığında icra hakimiyyətinin PR agentinə çevrilir.
Ən rüsvayçı məqamlardan biri də odur ki, İcra Hakimiyyəti bu "jest"ləri çox vaxt öz büdcəsi hesabına da etmir. Rayondakı özəl turizm obyektlərinin sahiblərinə olunan şifahi "xahişlər" və ya inzibati təzyiqlər hesabına jurnalistlər yerləşdirilir.
Obyekt sahibi məmurun tapşırığını yerinə yetirməklə gələcək yoxlamalardan sığortalanır, icra hakimiyyəti bir qəpik xərcləmədən özünə media qalxanı yaradır, müstəqilliyini satan jurnalist isə bu çirkin zəncirin son halqasına çevrilir.
Filtrasiya və "Dost Mətbuat" Oyunu
Bu "qonaqpərvərlik" hər kəsə şamil olunmur. İcra Hakimiyyətinin süzgəcindən yalnız prinsiplərindən güzəştə gedən, sual verməyən və tapşırılan mətni eynilə dərc edən "loyal" media mənsubları keçə bilir. Prinsipial və obyektiv jurnalistlər isə bu siyahılardan tamamilə təcrid olunur.
İsmayıllıda "qələm əhlinə" edilən bu jest, əslində regional medianın tənqidi kəsərini kütləşdirən, jurnalist adını və bitərəfliyini bir neçə günlük istirahətə dəyişən qəbulolunmaz bir praktikadır. İcra hakimiyyəti rayonun sosial yaralarını müalicə etmək əvəzinə, həmin yaraları işıqlandıracaq gözləri "qonaqlıqla" bağlamağa üstünlük verir.
Sima Babayeva

Qusarda baş verən dəhşətli ölümün TƏFƏRRÜATLARI

GundemXeber — Fri, 24 Jul 2026 21:50:13 +0400

Xırdalanda sakinlərin dözülməz həyatı: "Pəncərəni açmağa qorxuruq" - VİDEO

GundemXeber — Thu, 16 Jul 2026 23:47:33 +0400

Yevlax Su Meliorasiya İdarəsində şübhəli satınalma – Tural Mahmudov köhnə rəisin işini davam etdirir, yoxsa…

GundemXeber — Thu, 16 Jul 2026 21:12:13 +0400

Şuşa Şəhəri Dövlət Qoruğu İdarəsinin vəzifələri artırılıb

GundemXeber — Wed, 15 Jul 2026 22:58:54 +0400

TƏCİLİ! Xankəndidə partlayış: Ölən var

GundemXeber — Wed, 15 Jul 2026 21:00:31 +0400

Bir direktor təqdimatına dörd rəhbər şəxs getdi - Salyandakı təqdimatın pərdəarxası nədir?

GundemXeber — Fri, 10 Jul 2026 23:18:33 +0400

Nizami rayonunda bu da oldu - Yüksək gərginlikli elektrik xəttinin altında yaşayış binası tikilir

GundemXeber — Fri, 10 Jul 2026 23:15:47 +0400

Nazir Lerikdə vətəndaş qəbulu, Lənkəranda sıra baxışı keçirib

GundemXeber — Wed, 08 Jul 2026 13:34:54 +0400

Cəlilabad Peşə Təhsil Mərkəzində birmənbə üsulu ilə tender - 72 min manat bu şirkətə verildi

GundemXeber — Mon, 06 Jul 2026 13:25:58 +0400

Bölgə - GundemXeber İnformasiya Portalı